Intes
elezions distretuâls che si son tignudis ai 22 di Mai in Irlande dal
Nord il partît plui votât al è stât il Sinn Féin, o sei la ale
plui a çampe dal nazionalisim irlandês, cun passe il 24% dai
consens e 105 conseîrs elets. Chel istès, viodût il sisteme
eletorâl in vore, al è stât il Democratic Unionist Party a vê il
numar di elets plui alt, ven a dî 130, cundut di une percentuâl di
vôt di pôc plui dal 23%. Simpri in dople cifre, ma sot dal 20%, o
cjatìn l’Ulster Unionist Party, cul 16% dai vôts e 88 conseîrs,
e il Social Democratic & Labour Party, espression dal
nazionalisim irlandês moderât, cul 13,6% des preferencis e 66
elets. I vegnin daûr l’Alliance Party, moviment che al cjate
consens sei te comunitât nazionaliste che unioniste, cun 32 conseîrs
e il 6,6% dai vôts, e la Traditional Unionist Voice, che e
rapresente l’unionisim plui estremist, cun 13 elets e il 4,5% dai
consens. Tra i conseîrs elets o cjatìn po 15 indipendents, 4
membris dal Progressive Unionist Party, 4 verts, 3 dal United Kingdom
Independence Party, e un parom de gnove formazion unioniste NI21 e de
liste People before Profit Alliance.
In tiermins percentuâi si à vude une pierdite significative di consens pal DUP, la tignude dal Sinn Féin, une incressite pal UUP, pe TUV e pal PUP, e un pas indaûr dal SDLP e dal Alliance Party. Plui dificii di esaminâ, invezit, i ecuilibris a nivel teritoriâl dal moment che chestis elezions a jerin lis primis dopo de riforme che e à ridusût il numar dai distrets (une sorte di provinciis) di 26 a 11. Si pues dî però che intai distrets che a cjapin dentri lis dôs citâts plui impuartantis de Irlande dal Nord, ven a dî Béal Feirste / Belfast e Doire / Derry, i plui votâts a son stâts i republicans dal Sinn Féin, intal prin câs cun 19 conseîrs elets su 60 e intal secont cun 16 su 40.
In tiermins percentuâi si à vude une pierdite significative di consens pal DUP, la tignude dal Sinn Féin, une incressite pal UUP, pe TUV e pal PUP, e un pas indaûr dal SDLP e dal Alliance Party. Plui dificii di esaminâ, invezit, i ecuilibris a nivel teritoriâl dal moment che chestis elezions a jerin lis primis dopo de riforme che e à ridusût il numar dai distrets (une sorte di provinciis) di 26 a 11. Si pues dî però che intai distrets che a cjapin dentri lis dôs citâts plui impuartantis de Irlande dal Nord, ven a dî Béal Feirste / Belfast e Doire / Derry, i plui votâts a son stâts i republicans dal Sinn Féin, intal prin câs cun 19 conseîrs elets su 60 e intal secont cun 16 su 40.
Font:
BBC, 25/05/14
Nessun commento:
Posta un commento