Tes
elezions regjonâls che si son tignudis ai 16 di Fevrâr in Sardegne
il prin dât di marcâ al è chel de astension, cun pôc mancul de
metât dai eletôrs che al à sielzût di no lâ a votâ mandant
cussì un messaç di sfiducie une vore fuart intai confronts des
istituzions. Framieç di chel 52% di sarts che invezit al à votât,
il 42,4% al à dât sô preference al candidât dal centri çampe
Francesco Pigliaru, intant che il candidât dal centri diestre Ugo
Cappellacci si è fermât al 39,6% dai vôts. Un risultât impuartant
al è chel di Michela Murgia, poiade di listis di aree
indipendentiste (ProgReS, Comunidades e Gentes) e votade dal 10,3%
dai eletôrs, che par vie dal soiâr altonon fissât de leç eletorâl
no à otignût nissun conseîr elet. Chel altri candidât
indipendentist, Pierfranco Devias dal Fronte Unidu Indipendentista,
al à invezit otignût pôc plui dal 1% des preferencis. In corse pe
presidence de Regjon a jerin ancje altris doi candidâts: Mauro Pili,
altri rapresentant dal centri diestre sart, che al à cjapât il 5,7%
dai vôts; e Gigi Sanna dal Movimento Zona Franca che al à otignût
il 0,8% des preferencis.
Inte gnove assemblee regjonâl sarde i unics conseîrs di aree autonomiste o nazionalitarie a son duncje chei che a partecipavin aes dôs coalizions plui votadis: 2 pal Partito dei Sardi (che al à otignût cuasi il 2,7% dai vôts), 2 pai Rossomori (2,6%) e 1 par iRS (sot dal 1%) dentri de aleance di centri çampe; e 3 pal Partidu Sardu / Partito Sardo d’Azione (dongje dal 4,7%) inte coalizion di centri diestre. Denant de esclusion dal Consei regjonâl des fuarcis indipendentistis plui votadis, il conseîr elet par iRS Gavino Sale si è declarât pront a dâi vôs a chei che a son restâts di fûr. Partito dei Sardi, Rossomori e iRS a son cumò daûr a viodi se al è pussibil meti sù un grup consiliâr unitari indipendentist e sovranist.
Inte gnove assemblee regjonâl sarde i unics conseîrs di aree autonomiste o nazionalitarie a son duncje chei che a partecipavin aes dôs coalizions plui votadis: 2 pal Partito dei Sardi (che al à otignût cuasi il 2,7% dai vôts), 2 pai Rossomori (2,6%) e 1 par iRS (sot dal 1%) dentri de aleance di centri çampe; e 3 pal Partidu Sardu / Partito Sardo d’Azione (dongje dal 4,7%) inte coalizion di centri diestre. Denant de esclusion dal Consei regjonâl des fuarcis indipendentistis plui votadis, il conseîr elet par iRS Gavino Sale si è declarât pront a dâi vôs a chei che a son restâts di fûr. Partito dei Sardi, Rossomori e iRS a son cumò daûr a viodi se al è pussibil meti sù un grup consiliâr unitari indipendentist e sovranist.
Font:
RAS, 18/02/14; L’Unione Sarda, 18-20/02/14
Nessun commento:
Posta un commento