“O sin la
gjenerazion de indipendence scozese e il nestri timp al è rivât”.
Cun chestis peraulis il prin ministri scozês Alex Salmond al à
stiçât i delegâts che a partecipavin al congrès anuâl dal SNP
che si è tignût dai 17 ai 20 di Otubar a Perth. Il congrès, là
che al jere presint un biel trop di rapresentants diplomatics rivâts
ancje di Stâts Unîts, Russie e diviers stâts europeans, al jere
cuasi dal dut dedicât al teme de indipendence de Scozie che intal
Autun di chest an che al ven e sarà al centri di un referendum là
che i scozês a decidaran se lassâ il Ream Unît par deventâ un
stât indipendent. In dì di vuê i sondaçs a dan ancjemò in vantaç
i partidants dal no ae indipendence, ma i dirigjents dal SNP si son
mostrâts otimiscj.
Salmond al à fat savê che ai 26 di Novembar al sarà rindût public il “libri blanc de indipendence” là che, dongje des resons par cjapâ cheste strade, si cjatarà il program dal percors istituzionâl di fâ intal câs che la maiorance e disi di sì ae indipendence che al varà il so moment principâl intes elezions dal prin Parlament scozês indipendent inte Vierte dal 2016. Salmond al à dite che la int de Scozie e à za vût une cerce dai efiets positîfs de indipendence ta chei cjamps tant che salût e educazion là che il Parlament scozês al à za in man lis competencis primariis e al à duncje invidât ducj a resonâ su trop che si larès in miôr se dutis lis decisions a fossin cjapadis in Scozie. Il leader dal SNP al à ancje ribatût a chê che al à definît la “campagne de pôre” puartade indenant dai unioniscj e centrade massime sul boboròs di un paîs indipendent che nol starà in pîts dal pont di viste economic. Une pôre che no à fondis, al à dite, se si pense che la Scozie e je il produtôr principâl di petroli de UE e che dome cul turisim a lavorin 200 mil scozês.
Salmond al à fat savê che ai 26 di Novembar al sarà rindût public il “libri blanc de indipendence” là che, dongje des resons par cjapâ cheste strade, si cjatarà il program dal percors istituzionâl di fâ intal câs che la maiorance e disi di sì ae indipendence che al varà il so moment principâl intes elezions dal prin Parlament scozês indipendent inte Vierte dal 2016. Salmond al à dite che la int de Scozie e à za vût une cerce dai efiets positîfs de indipendence ta chei cjamps tant che salût e educazion là che il Parlament scozês al à za in man lis competencis primariis e al à duncje invidât ducj a resonâ su trop che si larès in miôr se dutis lis decisions a fossin cjapadis in Scozie. Il leader dal SNP al à ancje ribatût a chê che al à definît la “campagne de pôre” puartade indenant dai unioniscj e centrade massime sul boboròs di un paîs indipendent che nol starà in pîts dal pont di viste economic. Une pôre che no à fondis, al à dite, se si pense che la Scozie e je il produtôr principâl di petroli de UE e che dome cul turisim a lavorin 200 mil scozês.
Font:
BBC, 20/10/13; Naiz:, 20/10/13
Nessun commento:
Posta un commento