Il progjet
di vierzi une miniere inte aree sami de Svezie al à discjadenât une
reazion dure de bande di cheste comunitât. La multinazionâl Beowulf
Mining PLC cu la sô rame svedese Jokkmokk Iron Mines AB e vûl
vierzi un gnûf sît minerari a Gállok / Kallak, une citadine di 3
mil abitants che si cjate juste disore dal circul polâr artic. Di
chi a stimin di podê rigjavâ passe 100 milions di toneladis di
minerâl di fier une vore pûr.
La comunitât sami che e vîf ta cheste aree però e je preocupade pai efiets dal progjet sul ambient e su la economie tradizionâl de popolazion locâl che propit su chest ambient si fonde. Dopo cualchi an di lavôr, di fat, il sît minerari al sarà bandonât ma si lassarà daûr un teritori incuinât e un ambient naturâl, in dì di vuê siôr di speciis vegjetâls e animâls za sparidis di altris regjons, dal dut fiscât. La popolazion locâl cu la poie di militants sami e à blocât plui voltis lis stradis di acès al sît par impedî che la compagnie minerarie e puedi tacâ cu lis esplorazions, ma e je stade atacade cun violence de polizie svedese. Su la cuistion al è intervignût ancje il Parlament sami condanant l’ûs de violence de bande des fuarcis di polizie tai confronts di manifestants disarmâts, intant che i avocats de comunitât a àn fat savê che a puartaran la cuistion ae atenzion des autoritâts internazionâls poiantsi sul dirit des comunitâts nativis a difindi la lôr tiere e il lôr mût di vivi tradizionâl.
La comunitât sami che e vîf ta cheste aree però e je preocupade pai efiets dal progjet sul ambient e su la economie tradizionâl de popolazion locâl che propit su chest ambient si fonde. Dopo cualchi an di lavôr, di fat, il sît minerari al sarà bandonât ma si lassarà daûr un teritori incuinât e un ambient naturâl, in dì di vuê siôr di speciis vegjetâls e animâls za sparidis di altris regjons, dal dut fiscât. La popolazion locâl cu la poie di militants sami e à blocât plui voltis lis stradis di acès al sît par impedî che la compagnie minerarie e puedi tacâ cu lis esplorazions, ma e je stade atacade cun violence de polizie svedese. Su la cuistion al è intervignût ancje il Parlament sami condanant l’ûs de violence de bande des fuarcis di polizie tai confronts di manifestants disarmâts, intant che i avocats de comunitât a àn fat savê che a puartaran la cuistion ae atenzion des autoritâts internazionâls poiantsi sul dirit des comunitâts nativis a difindi la lôr tiere e il lôr mût di vivi tradizionâl.
Font:
Finugor, 13/08/13
Nessun commento:
Posta un commento