Intune
conference stampe che si è tignude ai 11 di Jugn a Gesteiz, il
lehendakari
(prin ministri dal guvier de Comunitât Autonome Basche) Iñigo
Urkullu al à presentât la propueste par un Plan di pâs e di
convivence che la sô version definitive e sarà pronte pal mês di
Otubar. Cun di fat il test al è viert ai contribûts che a rivaran
dai diviers grups rapresentâts intal Parlament de CAB. Il document
al partìs des lidrîs dal conflit basc par cjatâ fûr lis azions di
inviâ par superâlu. Tra lis 18 liniis di azion proponudis si cjatin
chês su torture e violazion dai dirits umans, presonîrs,
ricognossiment e risarciment des vitimis e v.i.
Dongje dal Plan l’esecutîf al propon ancje trê tescj di podê concuardâ in maniere separade su la ricostruzion storiche dal conflit basc, su la situazion dal dì di vuê e su lis prospetivis pal avignî. A compagnâ la propueste di Plan si à ancje un rapuart sui dâts principâi riferîts ae violazion dai dirits umans dilunc vie dal conflit (1960-2013). Si fevele di un miâr di muarts, la plui part (passe 800) causâts di ETA, ma cuasi un centenâr a son lis personis copadis des fuarcis di polizie e plui di setante chês sassinadis dai grups paramilitârs spagnûi e di estreme diestre. I ferîts a son invezit plui di 3.700, intant che il rapuart al segnale almancul uns 200 altris câs che a àn bisugne di un esam plui in detai. Si fevele po di uns 5.500 denunciis di torture e dai câs di limitazion dal dirit di espression e di informazion, a tacâ de sierade di diviers mieçs di comunicazion bascs decidûts des autoritâts politichis – judiziariis spagnolis. Su la fonde dai dâts dal ministeri spagnûl pal interni al ven fûr che des 40 mil personis arestadis ta chescj agns par resons politichis, mancul di 10 mil a son stadis acusadis di jessi leadis a ETA: un dât che al palese cemût che l’arest al è stât doprât plui come strument di repression e di limitazion de ativitât politiche, che no par fâi cuintri a reâts.
Dongje dal Plan l’esecutîf al propon ancje trê tescj di podê concuardâ in maniere separade su la ricostruzion storiche dal conflit basc, su la situazion dal dì di vuê e su lis prospetivis pal avignî. A compagnâ la propueste di Plan si à ancje un rapuart sui dâts principâi riferîts ae violazion dai dirits umans dilunc vie dal conflit (1960-2013). Si fevele di un miâr di muarts, la plui part (passe 800) causâts di ETA, ma cuasi un centenâr a son lis personis copadis des fuarcis di polizie e plui di setante chês sassinadis dai grups paramilitârs spagnûi e di estreme diestre. I ferîts a son invezit plui di 3.700, intant che il rapuart al segnale almancul uns 200 altris câs che a àn bisugne di un esam plui in detai. Si fevele po di uns 5.500 denunciis di torture e dai câs di limitazion dal dirit di espression e di informazion, a tacâ de sierade di diviers mieçs di comunicazion bascs decidûts des autoritâts politichis – judiziariis spagnolis. Su la fonde dai dâts dal ministeri spagnûl pal interni al ven fûr che des 40 mil personis arestadis ta chescj agns par resons politichis, mancul di 10 mil a son stadis acusadis di jessi leadis a ETA: un dât che al palese cemût che l’arest al è stât doprât plui come strument di repression e di limitazion de ativitât politiche, che no par fâi cuintri a reâts.
Font:
Naiz:, 11-14/06/13
Nessun commento:
Posta un commento