Un grup di parlamentârs unioniscj al à contestât la decision de ministre pe istruzion de Irlande dal Nord, Caitriona Ruane, di finanziâ cuatri gnovis scuelis là che la lenghe veicolâr e je il gaelic. Pai rapresentants unioniscj, di fat, chestis scuelis a ufrissin plui puescj di chei che a son domandâts e invezit di vierzint di gnovis si varès di proviodi a razionalizâlis. No le pense cussì la ministre che e spieghe che il numar di fruts che a frecuentin lis scuelis gaelichis al è daûr a cressi e, viodût che di struturis dal gjenar no ‘nd è tantis, si à di rispuindi aes domandis che a rivin dal teritori.
Font: BBC, 28/07/10
Nessun commento:
Posta un commento