Il guvier scozês al à presentât il so plan cuincuenâl pal gaelic. L’intindiment dal plan al è chel di incressi la visibilitât de lenghe inte vite cuotidiane e di sburtâ la int a imparâ e a doprâ cheste lenghe. La ministre pal gaelic, Fiona Hyslop, e à spiegât che di cumò indenant cui che al scrivarà par gaelic al guvier al varà une rispueste inte stesse lenghe e che si larà a incressi i documents uficiâi produsûts ancje par gaelic, cun di plui a saran inmaneâts dai cors pal personâl public che al à voie di imparâ o di miorâ l’ûs di cheste lenghe. La gnove e je stade cjapade cun sodisfazion dal Bòrd na Gàidhlig, l’organisim di riferiment pe lenghe gaeliche scozese, che al à ancje sburtât chei altris organisims publics presints in Scozie e lâ daûr dal esempli dal guvier di Edimburc.
Font: Bòrd na Gàidhlig, 07/07/10
Nessun commento:
Posta un commento