Ai 26 di Març al è jessût il prin numar di Gaelscéal, un setemanâl di plante fûr in lenghe irlandese. La riviste, cun 32 pagjinis dutis a colôrs, e va a cuvierzi ogni sorte di argoment: des informazions regjonâls a chês internazionâls, de educazion aes gnovis di costum, de economie al sport, cuntune atenzion particolâr par dut ce che al tocje il gaelic irlandês e i teritoris là che la lenghe e je plui fevelade. Il setemanâl al jes ogni vinars e si lu cjate intes ediculis di dute la isule. Il so sît internet al ufrìs contignûts in zonte e, plui indenant, si vûl insiorâlu ancje cun forum, blogs e altris spazis interatîfs pai letôrs e par ducj i interessâts.
Font: Gaelscéal; Gaelport, 18/03/10
Nessun commento:
Posta un commento