La propueste di un referendum su la autodeterminazion dal Sud Tirôl, fate indenant dal vicepresident dal Parlament austriac Martin Graf (FPÖ), e à tornât a impiâ lis polemichis sul argoment sei in Austrie che in Sud Tirôl. Pes istituzions e pai partîts talians la cuestion no je in discussion; ai partîts sudtirolês, invezit, la propueste no displâs, massime a chei de diestre nazionaliste. Sul argoment, dut câs, a son intervignût ancje i ladins par bocje di Albert Pizzinini, president dal moviment “Ladins Dolomites”. I ladins no son ni talians, ni austriacs – al dîs Pizzinini – e, duncje cualsisei modifiche al statût di autonomie al à di fâ i conts ancje cun lôr e al à di puartâ a di un aument dal nivel di autoguvier di cheste comunitât.
Font: Noeles, 29/07/09
Nessun commento:
Posta un commento