09/06/09

Ossezie meridionâl: elezions politichis no ricognossudis de UE

Internazionalitari 05 2008


Lis elezions politichis che si son davueltis ai 31 di Mai in Ossezie meridionâl a àn dât la vitorie al partît dal president Eduard Kokoiti cul 46,38% des preferencis, che i permetin di vê 17 parlamentârs elets. Il Partît Popolâr al à vût, invezit, il 22,58% des preferencis e 9 parlamentârs; il Partît Comunist il 22,25% dai vôts e 8 parlamentârs. Si trate des primis elezions daspò de autoproclamazion de indipendence de Gjeorgjie. Pai osservatôrs internazionâi il vôt si è davuelt cence incidents e daûr des normis internazionâls. Pai rapresentants de Union Europeane, che no ricognossin la indipendence dal paîs, si trate di elezions no legjitimis e, duncje, cence nissun valôr.

Font: RIA Novosti, 01/06/09


1 commento:

Unknown ha detto...

Par fuarce, l'Europe a fâs dome ce ch'a dîs l'Americhe!