Le
situazion in Ucraine e je simpri di plui fûr di control dopo che lis
protestis di place dai ultins mês a àn puartât il Parlament a
dimeti di president Viktor Janukovič nomenant al so puest Oleksandr
Turčinov, intant che te gjestion dal podê al cres simpri di plui il
pês dai nazionaliscj e de estreme diestre ucraine. Intes provinciis
dal Sud e dal Est, là che e je plui fuarte la presince di
popolazions di lenghe russe, il cambi di guvier al è viodût come un
at no legjitim e une vore menaçôs. A cressin duncje lis protestis
filorussis e in diviers câs si à vût ancje scuintris violents cui
partidants dal gnûf guvier. La situazion plui esplosive e je però
chê che si à inte Republiche autonome de Crimee là che, su plui o
mancul doi milions di abitants, cuasi il 60% a son di nazionalitât
russe, il 12% al parten ae comunitât tatare e i ucrains a son sì e
no il 25% de popolazion. Cun di plui, su la fonde di un acuardi in
vore almancul fin al 2042, intal puart di Sevastopol, e je logade la
flote russe dal Mâr Neri. Subite dopo dal cambi di podê a Kiev,
inte Republiche autonome de Crimee si à formât un esecutîf gnûf
su posizions une vore plui filorussis, intant che inte citât di
Sevastopol al è stât nomenât cun vôt popolâr un sindic filorus.
Propit di chi a son partîts apei a Mosche par che e mandi l’esercit a protezi la popolazion russe di cheste aree. Il prin di Març il Parlament rus al à dite di sì al intervent dal esercit in Ucraine in câs di atacs ae popolazion russe. Intant in Crimee lis trupis russis no son restadis intes lôr casermis, cemût che a domandavin lis gnovis autoritâts ucrainis, ma a controlin part dal teritori e al somee che la plui part dai reparts armâts ucrains presints inte penisule si vedin dâts dongje o a vedin consegnât lis armis aes miliziis filorussis. Se l’esecutîf ucrain al domande la protezion di NATO e ONU, la Russie e va dilunc a menaçâ un intervent diret se si doprarà la violence cuintri de popolazion russe. La comunitât tatare de Crimee, invezit, si è mostrade a pro dal gnûf guvier ucrain e no son mancjâts i moments di tension cui ativiscj rus.
Propit di chi a son partîts apei a Mosche par che e mandi l’esercit a protezi la popolazion russe di cheste aree. Il prin di Març il Parlament rus al à dite di sì al intervent dal esercit in Ucraine in câs di atacs ae popolazion russe. Intant in Crimee lis trupis russis no son restadis intes lôr casermis, cemût che a domandavin lis gnovis autoritâts ucrainis, ma a controlin part dal teritori e al somee che la plui part dai reparts armâts ucrains presints inte penisule si vedin dâts dongje o a vedin consegnât lis armis aes miliziis filorussis. Se l’esecutîf ucrain al domande la protezion di NATO e ONU, la Russie e va dilunc a menaçâ un intervent diret se si doprarà la violence cuintri de popolazion russe. La comunitât tatare de Crimee, invezit, si è mostrade a pro dal gnûf guvier ucrain e no son mancjâts i moments di tension cui ativiscj rus.
Font:
RIA Novosti, 01-02/03/14
Nessun commento:
Posta un commento